Tirana-Online Deutschland

Gjeografia

TIRANA, Kryeqyteti i Shqipërise shtrihet 110 metra mbi nivelin e detit, në këmbët e Malit të Dajtit (1611m), në një rrafsh i cili përshkohet nga lumi i Tiranës. Tirana ka një sipërfaqe rreth 40 km2. Në perëndim midis rrugës Tiranë-Durrës shtrihet Kodra e Gjatë me 491 m lartësi. Ky masiv i vogël mund të kalohet në veri nga Vora ose në Jug nga Qafa e Erzenit. Në lindje rrafshnalta kufizohet nga Masivi i Dajtit (1612 m) dhe nga Mali i Priskës (1365 m). Ndërmjet tyre shtrihet Qafa e Priskës (850 m). Në Jug shtrihet Qafa e Krrabës me 933 m mbi nivelin e detit.


Qytetet që kufizojne Tiranen

Në veri Tirana kufizohet nga Kruja dhe Mati, në perëndim nga Durrësi, në jug dhe juglindje nga Elbasani dhe në lindje nga Librazhdi.


Më poshtë është një hartë modeste e rrethit të Tiranës me fshatrat e Tiranës.

Tirana map

Harta e qytetit të Tiranës - Map of Tirana City - Karte von Tirana-Stadt


Fshatrat e Tiranës
A Arbanë, Allçaush, Allgjate,
B Babrru, Bathore,Ballze, Baldushk, Bërzhi, Balhaxhijas,Bregu Lumit, Brrari, Burimas, Balshabanaj, Bërzulle, Brrakë, Bulticë, Ballshen, Bulçesh,
Ç Çaush,
D Dorakaj
F Farkë, Fikas
G Greçë, Gurrë
GJ Gjokaj afër Kuçit,
I Ibë
K Kamëz, Kashar, Kus
L Laprake, Linzë, Lugë, Lanabregas, Laknas, Lam i Bacës
M Mamajes, Mangël, Mesqetë, Mëzes, Moknar, Mullet, Mushqeta
N Ndroq
P Paskuqan, Patosh, Petrelë, Prezë, Përcellesh, Pezë e vogël, Pezë e madhe, Pezë-Helmasi, Priskë e vogël, Priskë e madhe
Q Qafë Shëngjergji, Qafëmollë, Qinam
Rr Rromanat,
S Sauk, Selbë, Squrr,
SH Shkozë, Shkallë e Sipërme, Shëngjin i vogël, Shalqinas, Shërmin
T Todoreni, Tujan, Tufinë, Treg
V Vasqarr, Vishaj, Vëskëq, Varosh, Valias, Vorë
Y Yzberishtë
Z Zallherr, Zgafnorë,


Fqinjët e Tiranës
Qyteti i Tiranës kufizohet në veri nga Kodër-Kamëz me lartësi 112 m mbi nivelin e detit; në jug nga Selita me lartësi 303 m mbi nivelin e detit; në perëndim nga Universiteti Bujqësor dhe në lindje nga Kodra e Surelit me lartësi 418 m mbi nivelin e detit.

Liqenet
Në Tiranë ndodhen 4 liqene: Liqeni i Tiranës, Liqeni i Kodër-Kamëz, Liqeni i Farkës dhe Liqeni i Tufinës.

Klima
Në Tiranë mbizotëron klima mesdhetare me temperatura mesatare vjetore rreth 16°C. Në korrik temperatura mesatare është rreth 24 °C dhe në janar rreth 6°C.
Sasia mesatare e rreshjeve është 1,297 mm.

Lumenjtë
Tirana përshkohet nga 2 lumenj kryesorë: Lumi i Lanës (nga Ish Autotraktorët tek Rezervati i Peshkut) me gjatësi 15.3 km dhe Lumi i Tiranës (nga shkalla e Tujanit tek Universiteti Bujqësor) me gjatësi 10.25 km.

Lana është degë e lumit të Tiranës, i cili kalon përmes qytetit të Tiranës. Ai buron në pjesën perëndimore të Qafës së Priskës; është 29 km i gjatë, sipërfaqja e pellgut është 67 km2, lartësia mesatare është 179 m dhe pjerrësi prej 24 m/km. Në hyrje të Tiranës, Lana rrjedh në një kanal te sistemuar betoni dhe pastaj bashkohet me lumin e Tiranës në verilindje të Bërxullës nga ku formohet lumi i Ishmit.

Nga disa studime të bëra gjatë viteve 1997-1998 ne ujërat e Ishmit dhe të Tiranës rezulton se ujërat e këtyre lumenjve janë nga më të ndoturat. Mbeturinat urbane janë burimi kryesor i lëndëve ndotëse. Shumë kritike është gjendja në lumin e Lanës.